ما خلاص .. هذا عصر الـ إربع والأنصاص والحب عديم الاخلاص والشعر الهجاص
وما دام من خيبتك مش قادر تشعلها رصاص فالبد فى حوش دارك
إمبراطور على مملكتك / شيبتك أشعارك / عارك / أخبارك خللها فى بلاص
الكالام القطرة .. مش ح يداوى عوره
ولا أفعال ما شطه قادرة تحلىة صوره كان زمان القلب صافى
واللى مخفى يبوح بسره للقوافى واللى يفنى بيشتى ويفيض ع الحفافى
الزمن خرف وحرف فى المشوره قول على الدنيا عوافى
صارت الأسطوره / كوره والجمال بقى شىء خرافى
إلبس قناع الكدب .. واترازل .. ما دمت عايز يجلجل فى الزحام حسك
أو انسى هم العقل – لو عاقل إعمل شيطان مسك ما عدش بكره يهمه صهللة أمسك
اليوم الوش راجل الفهم مش عاجل والحس فى النازل
ولا باقى إلا إن تدبح نفسك وتسلم السكينة للقاتل
عشقنا الأماكن بيوت الحجر ودوبنا هوا فى الترع والشجر
عبدنا الشطوط الخطوط .. الصور عشقنا سكون الوطن فى القصيدة
حلمنا لمسنا النجوم البعيدة طلعنا القمر عشقناه وموتنا فى حبه ولكن
طلع حب ساكت وساكن عشان مالمسناش قلوب البشر
ح اعلن وفاة النيل بكل اللغات ح أشطب حروف اسمه وح اقطع لسانه
واشطف عن الجلد طين احتضانه ومن عقلى كافة حكايات زمانه
وح اغسل من القلب فرحة نبض ألوانه وكل ما لأحزانه من ذكريات
قوارب العشق نخل العصر والأمسيات وأغنيات البنات
وح ادخل فى طور السكون والعدم موات السكات إذا قدرت أعيش بعد هوه ما مات
أنا عمت ويا المد .. طيرت طير بالونة حرة تسابق العصافير
رقصت للتحرير مع الجماهير هتفت حتى انبح صوتى جعير
على مدى إيدى المجد كان ملكى غنبت فرح بالسد وانا بابكى
من حرب سلم لسلم حرب بجد بكيت لحد اتنفيت
ضحكحت حتى اتسجنت وكان بكيفى حساب ريفى بلا فواتير على البركة .. با اتخفى
لذا خرجت ضرير من الزفة .. فى الزحمة با تكفى / ما شا فنيش حد
قد عيونك ما بتقتلنى بتنادينى أرحل ورا اسمك نيلك نخلك .. وشطوط جسمك
وخيوط إسمك بتكبلنى أترد لطميك بيشكلنى وأول ما افتح عينى
يرفض عشقك أن جنونى يكملنى أسأل ما اعرفش جواب
ليه سرك يغوينى وليه سحرك بدلنى
وقعت فى الحب فجأة فاعترانى الخوف الصيف ما لوش قلب
فى زمن انعدام الشوف وانا على شط بجحر العشق طفل يتيم
فى قلبى جرح قديم عليه ملهوف يا هلترى شرع الحب يا عشاق
جديد يعيد اللى فات تحيره وتخيره المسافات فيفضل التسليم
البحر قال للبنت خبينى خدينى بالحضن أنا تايه بقى لى سنين
كل الشطوط دى ولا مينا ترسينى .. إلا ما شفت فى عيونك لوعة العاشقين
وعد السفر كان ملتى ودينى الهجرة للموعودين
فودعينى لجل بكره تلاقينى ولا تسألينى لفين وجاى منين
يا بنت يا للى قلتك حرانه الميه نشفت والا انا حران
هل الربيع / ليه م الحلا خجلانه ؟ قومى افتحى الشبابيك دى أرض أمان
بحق من خلق الحلال وحبانا بكل هذا الجمال الطبع والألوان
وجعلنا ناس بالعشق أحيانا لا تخجلى من حسنك الفتان إسقى الحزانى وارحمنى العطشان
عمال تسد خروم وتزصل مقطع وسوابعك العشره
بلاكستبان إيديك ضعيفة ع الفرح تتمنع والنزهى لا قرع جمع الأحزان
يزرع بهمه فى الهموم ويصنع إشتر بالشر حتى حين بقى سلطان
فليه رضيت بالمر بابك مخلع للريح .. وريح المهزومين دخان
يا طول الانتظار صار الحلا مرار الحب اللى سحرنى قدرنى على النهار
وسخر لى الليالى نجانى من الحصار أسرنى بعد شيبتى عذابك يا حبيبتى حاصرنى .. بشوك ونار
بطل يا واد سخافه ولت فى العجين مين قال إن الثقافة شهور وقور حزين
سلو القلب المثقف يفرح يرقص يسقف لورده فى الخرابه ونجمه فى السديم
د العقل والحصافة .. طبيعة الميتين
النهارده وزى كل يوم قمت اعد صوابعى – عاده إلتقيت اربع صوابع فى اليمين
انما ف كفى الشمال كانوا زيادة سبعة ؟ .. لأيمكن – مانية . أربعين
ما اترعبتش ليه .. يا ساده ما اندهشتش ؟
شىء طبيعى م الجنون والخوف بتحميك البلاده
كرباج على بطن أبويا كرباج على ضهر أمى
حين خيرونى .. ما بينى وما بين قصايدى وفنى اخترت أكدب واغنى
صعبت حقيقتك عليه بحكم ضعفى وسنى . لزمت صمت الأرانب فخسرت ما اتبقى منى
على فين يا قاضى الشريعة فايت فتاويك لمين ؟
كل الرعايا مطيعة كل الرعاه طيبين اللص فى العصر نايم
والكدابين ملسنين سبحانه خلق البهايم تنسى بحكم السنين
مع ندهة الله أكبر سكينة الجزارين
تقلت ذنوبكم عليه ليل هو انكم بعينى لا عدت طايق عينيه ولا صوت غناكم هادينى
أنا كان لى فى الحارة ديه حيطة وحوش بيحامينى وكان لى ناس فيكو منى
ترقنى لما تلاقينى اولها والى جلدنى بنى سور ما بينكم وبينى
يارب إهدى الوطن للحق ريحنى .. إهديه لسكك الصباح
لو حتى تجرحنى ما عدش عندى أمل لا افرح ولا أتطمن وكانه فيه ذل مزمن
إذ كلمما – ما بدالى طيف يفرحنهى كرباج على الضهر غل وقهر يدبحنى
علشان أسرنى بعمعروفك ورغيفى حاف من مصروفك
سترت عيبك بإرادتى عودنى ضعفى على خوفك
يا ماسكنى من رقبة حاجتى كحلت ششمك فى عينيه علشان كده من لغاليفه
ح اقطع لسانى بايديه بدل ما ح تجزه سيوفك
يا مسقم الرزق خد جسدى وقسمنى .. على كل فاضى عمل قاضى وحاكمنى
نهشنى وانا حى / نى وف قوت ولادى قاسمنى
وشق بالقلب بارد قلبى قسمنى خان عيشى ملحى هزمنى يمكن إذا حس لحمى الدامى
دافى ف علبه يرحمنى ويكف عنى بقية عمرى يهملنى
أنا العديم البصر شفت اللى ما شفتهوش ما هوش خداع للنظر لكن خطب وجيوش
وما دام من خيبتك مش قادر تشعلها رصاص فالبد فى حوش دارك
إمبراطور على مملكتك / شيبتك أشعارك / عارك / أخبارك خللها فى بلاص
الكالام القطرة .. مش ح يداوى عوره
ولا أفعال ما شطه قادرة تحلىة صوره كان زمان القلب صافى
واللى مخفى يبوح بسره للقوافى واللى يفنى بيشتى ويفيض ع الحفافى
الزمن خرف وحرف فى المشوره قول على الدنيا عوافى
صارت الأسطوره / كوره والجمال بقى شىء خرافى
إلبس قناع الكدب .. واترازل .. ما دمت عايز يجلجل فى الزحام حسك
أو انسى هم العقل – لو عاقل إعمل شيطان مسك ما عدش بكره يهمه صهللة أمسك
اليوم الوش راجل الفهم مش عاجل والحس فى النازل
ولا باقى إلا إن تدبح نفسك وتسلم السكينة للقاتل
عشقنا الأماكن بيوت الحجر ودوبنا هوا فى الترع والشجر
عبدنا الشطوط الخطوط .. الصور عشقنا سكون الوطن فى القصيدة
حلمنا لمسنا النجوم البعيدة طلعنا القمر عشقناه وموتنا فى حبه ولكن
طلع حب ساكت وساكن عشان مالمسناش قلوب البشر
ح اعلن وفاة النيل بكل اللغات ح أشطب حروف اسمه وح اقطع لسانه
واشطف عن الجلد طين احتضانه ومن عقلى كافة حكايات زمانه
وح اغسل من القلب فرحة نبض ألوانه وكل ما لأحزانه من ذكريات
قوارب العشق نخل العصر والأمسيات وأغنيات البنات
وح ادخل فى طور السكون والعدم موات السكات إذا قدرت أعيش بعد هوه ما مات
أنا عمت ويا المد .. طيرت طير بالونة حرة تسابق العصافير
رقصت للتحرير مع الجماهير هتفت حتى انبح صوتى جعير
على مدى إيدى المجد كان ملكى غنبت فرح بالسد وانا بابكى
من حرب سلم لسلم حرب بجد بكيت لحد اتنفيت
ضحكحت حتى اتسجنت وكان بكيفى حساب ريفى بلا فواتير على البركة .. با اتخفى
لذا خرجت ضرير من الزفة .. فى الزحمة با تكفى / ما شا فنيش حد
قد عيونك ما بتقتلنى بتنادينى أرحل ورا اسمك نيلك نخلك .. وشطوط جسمك
وخيوط إسمك بتكبلنى أترد لطميك بيشكلنى وأول ما افتح عينى
يرفض عشقك أن جنونى يكملنى أسأل ما اعرفش جواب
ليه سرك يغوينى وليه سحرك بدلنى
وقعت فى الحب فجأة فاعترانى الخوف الصيف ما لوش قلب
فى زمن انعدام الشوف وانا على شط بجحر العشق طفل يتيم
فى قلبى جرح قديم عليه ملهوف يا هلترى شرع الحب يا عشاق
جديد يعيد اللى فات تحيره وتخيره المسافات فيفضل التسليم
البحر قال للبنت خبينى خدينى بالحضن أنا تايه بقى لى سنين
كل الشطوط دى ولا مينا ترسينى .. إلا ما شفت فى عيونك لوعة العاشقين
وعد السفر كان ملتى ودينى الهجرة للموعودين
فودعينى لجل بكره تلاقينى ولا تسألينى لفين وجاى منين
يا بنت يا للى قلتك حرانه الميه نشفت والا انا حران
هل الربيع / ليه م الحلا خجلانه ؟ قومى افتحى الشبابيك دى أرض أمان
بحق من خلق الحلال وحبانا بكل هذا الجمال الطبع والألوان
وجعلنا ناس بالعشق أحيانا لا تخجلى من حسنك الفتان إسقى الحزانى وارحمنى العطشان
عمال تسد خروم وتزصل مقطع وسوابعك العشره
بلاكستبان إيديك ضعيفة ع الفرح تتمنع والنزهى لا قرع جمع الأحزان
يزرع بهمه فى الهموم ويصنع إشتر بالشر حتى حين بقى سلطان
فليه رضيت بالمر بابك مخلع للريح .. وريح المهزومين دخان
يا طول الانتظار صار الحلا مرار الحب اللى سحرنى قدرنى على النهار
وسخر لى الليالى نجانى من الحصار أسرنى بعد شيبتى عذابك يا حبيبتى حاصرنى .. بشوك ونار
بطل يا واد سخافه ولت فى العجين مين قال إن الثقافة شهور وقور حزين
سلو القلب المثقف يفرح يرقص يسقف لورده فى الخرابه ونجمه فى السديم
د العقل والحصافة .. طبيعة الميتين
النهارده وزى كل يوم قمت اعد صوابعى – عاده إلتقيت اربع صوابع فى اليمين
انما ف كفى الشمال كانوا زيادة سبعة ؟ .. لأيمكن – مانية . أربعين
ما اترعبتش ليه .. يا ساده ما اندهشتش ؟
شىء طبيعى م الجنون والخوف بتحميك البلاده
كرباج على بطن أبويا كرباج على ضهر أمى
حين خيرونى .. ما بينى وما بين قصايدى وفنى اخترت أكدب واغنى
صعبت حقيقتك عليه بحكم ضعفى وسنى . لزمت صمت الأرانب فخسرت ما اتبقى منى
على فين يا قاضى الشريعة فايت فتاويك لمين ؟
كل الرعايا مطيعة كل الرعاه طيبين اللص فى العصر نايم
والكدابين ملسنين سبحانه خلق البهايم تنسى بحكم السنين
مع ندهة الله أكبر سكينة الجزارين
تقلت ذنوبكم عليه ليل هو انكم بعينى لا عدت طايق عينيه ولا صوت غناكم هادينى
أنا كان لى فى الحارة ديه حيطة وحوش بيحامينى وكان لى ناس فيكو منى
ترقنى لما تلاقينى اولها والى جلدنى بنى سور ما بينكم وبينى
يارب إهدى الوطن للحق ريحنى .. إهديه لسكك الصباح
لو حتى تجرحنى ما عدش عندى أمل لا افرح ولا أتطمن وكانه فيه ذل مزمن
إذ كلمما – ما بدالى طيف يفرحنهى كرباج على الضهر غل وقهر يدبحنى
علشان أسرنى بعمعروفك ورغيفى حاف من مصروفك
سترت عيبك بإرادتى عودنى ضعفى على خوفك
يا ماسكنى من رقبة حاجتى كحلت ششمك فى عينيه علشان كده من لغاليفه
ح اقطع لسانى بايديه بدل ما ح تجزه سيوفك
يا مسقم الرزق خد جسدى وقسمنى .. على كل فاضى عمل قاضى وحاكمنى
نهشنى وانا حى / نى وف قوت ولادى قاسمنى
وشق بالقلب بارد قلبى قسمنى خان عيشى ملحى هزمنى يمكن إذا حس لحمى الدامى
دافى ف علبه يرحمنى ويكف عنى بقية عمرى يهملنى
أنا العديم البصر شفت اللى ما شفتهوش ما هوش خداع للنظر لكن خطب وجيوش
