حطيت على الجرح – ملح ينزويكمكم يمكن يصير غرفرينا أحس .. أتعلم
يجوز أفوق وأسن سيفى المتلم أقطع رقاب لا فترا اول ما أتألم
قتلنى جرحى وعشت بذنبه أتندم
قابلته أيام شبابه سيفه يفرز ف جرابه الكل حاسب حسابه
عالم وفاهم ولبلب أول ما ينطق جوابه وسنين على المر شيبنا والسنين شابوا
قابلته حضرة جنابه فى يمينه شايل كتابه أول ما طال السلالم زحف على أجنابه عايم
من أجل يلحق منابه
فرقت خيرك فوق جميع الطبالى شبع به غيرك حتى حرس الأمير
والمحظوظين والموالى .. وجبرت خاطر عيالى باللى فضل من عجين
ازاى فى يوم الأزمة للمقهورين ح تقول وأنا مالى ؟ دانت اتفطمت على الرغيف اليتيم
حبيت فى حوشى القديم ورضعت موالى أوعى تقولها يا خالى ح ابكى على صدر مين ؟
سهرت احزم فى الهموم وافرق كتفت قلبى بذكريات الماضى
بكيت على اللى باع وع اللى استرزق وع اللى قلقنى وبات راضى
رحت اشتكى وجعى لاخويات القاضى .. لقيته فارش ميراث الحزن ع المفرق
بيفاصل المليان .. على الفاضى
يا صاحب الكل حاذر ما تأمنش لحد .. محروم جعان إلى واكل على جميع الموائد
الحند قوق مش حضن للبرسيم ولا زهرة الفل مرهونة بضل الغيم
حاربت وحدك لماجد الجد حتى انتصارك خسارة فى بنوك الذل ساعة احتساب الفوائد.
كان بكره أحلى .. أكيد أجمل كثير م النهاردة وكان الأمل والحلم يومى يزيد
لمحت على خد موسكو فى المهرجان ألف ورده وفرح كأنة جديد
سكرتنى ذكرى الشهيد وأخذنى منى النشيد
ما شفت دمع اليتامى على الحجر والحديد
لايقه عليكم رقصة الهامبورجر يا جمبرى – بالحزن متصبر
ح يقدموك فى النظام العالمى متقشر قربان لرب البنك والعسكر
برم شنابك يا راجل دينك ما هوش عاجل الدفع حسب الأصول فى البورصة صار أجل
والجهل ذنب بتغفر العزه وح تبقى مزه بفرق العمله تتصدر
حاربت جنون الدنيا عشانهم غنيت أفراحهم وبكيت أحزانهم .. قد ما كبروا قللوا من شأنك
كل ما كتروا أخرسوا شنشانك .. طفوا حتىلا بهجة أحزانك .. فاتذكر يا عدو كيانك
إمتى نطقوا كلمة فى حقك أو زعقوا ف عركة عشانك
فايتينك من بدرى يا فالح يوم تحتاج للنسمة يسقوك دخانك
صمتك فى ليل الصبر صار غرغرينا فاقع مرارة الريف وكايد المدينة
خافيه آهات الراح وخافية مين يا حزينة الجرح مكران يا حزينة
وطال أنينك سنين يا مين .. بصى الصباح وبغزم ريح الصبا
يقلب رضاك أزعرينة
كان نفسى أقول لك : عداك العيب يا مغنى الشعب يا مقدم لكن لما انكشف الغيب
شفت مقاسك شبر علشان بست إيدين صدام.. ونظمت ف كرم الشيخ الشعر
حضرت مجالس تحشيش الأروام .. أصبحت ف سوق العملة يمام
نتفولك ريشك فبقى لك سعر
الجرح فاجر وسع ليلى وغميق بينز زى الذنب فى اجنابى
عكر فى دمى قديم الولس يا عرابى قرن الزمان انكسر وانا انطرم نابى
يا حومتى .. يا خرابى . اللى بنيته هدمنى ومادرى ما بى
من يونية للتآنية .. مايلة ببختى يا طوابى
بكره ح يرجع بالسلامة العراق ما تفرطوش جهل يا شعراف مشاعركم
دا خناق مرتب خلف بعده اتفاق .. سبوبة للرزق حتى وأسألوا كبيركم
كان الخلاف بهرجة .. وح ترجع المهرجة .. تبدلوا دوركم مع الأرزاق
واللى سبق بالنبأ اكل النبق سباق
زى عيدان كبريت الخلق على شكة وحكة وح تولع طول الليل وحواديت .. تتعبى
حبة وتفرقع وتقوم الصبح وتخرج زق سكرانه مهانه بتتكرع
من كتر ما شربت أحلام الزيت ح تلود ع الرزق فى دهاليز العفاريت وتعود للبيت .. تتقمع
سالت صاحب السعادة : يا بيه خرستم ليه ؟
والدلالة البهدله والرقص والحنجلة جلجل جلا .. جاب غيه ؟ كادنى الغلا . برية .. قال الكلام ده قديم شرع الحضارة يا عبد للمليم إن التجاره شطاره يا شعر يا .. ملايين
العمر فجأة مضى كالبرق على طوله كإنه ليل انقضى .. فى غمضة يتبعزق
والبدر ما شقشق يا سارق الفجر لا تعشمنى بوصوله .. الصدق كدب أصوله
والشعر كداب فى قوله .. قال إيه فى نار المرآر الفرحة تتخلق